پاريج پوليتسيياسىنىڭ قىزمەتكەرٸ جۇمىس ورنىندا تٶرت ەرٸپتەسٸن پىشاقتاپ تاستادى, دەپ حابارلايدى ۆۆس.
45 جاستاعى ميكاەل حارپون جەرگٸلٸكتٸ ۋاقىتپەن 13:00 شاماسىندا پوليتسييا عيماراتىنا كٸرٸپ, تۋرا ٶز كابينەتٸنە بەتتەگەن. جول بويى كەزدەسكەن ەرٸپتەستەرٸنٸڭ بەرٸنە پىشاق سۇعا بەرگەن. ونى وقيعا ورنىندا ەرٸپتەستەرٸنٸڭ بٸرٸ اتىپ ٶلتٸرگەن. بٸراق وعان دەيٸن باسپالداقتا ەكٸ ەيەلگە, كابينەتٸندە وتىرعان تاعى ٷش ەر ادامعا پىشاق سەرمەپ ٷلگەرگەن.
پاريج پروكۋرورى رەمي حەيتستٸڭ مەلٸمەتٸنشە, ٶكٸنٸشكە قاراي, ٷش ەر ادام مەن بٸر ەيەل قازا تاپقان. ەيەلدەردٸڭ ەكٸنشٸسٸ امان قالعان, بٸراق حال ٷستٸندە جاتىر.
حارپوننىڭ ەيەلٸ شۇعىل تٷردە قاماۋعا الىندى. بٸراق پروكۋراتۋرا وعان ەشقانداي ايىپ تاعىلماعانىن مەلٸمدەدٸ.
وقيعا ورنىنا فرانتسييا پرەزيدەنتٸ ەممانيۋەل ماكرون, پرەمەر-مينيستر ەدۋارد فيليپپ جەنە ٸشكٸ ٸستەر مينيسترٸ كريستوف كاستانەر شۇعىل جەتكەن.
كاستانەردٸڭ ايتۋىنشا, حارپون پوليتسييادا باعدارلامالاۋشى بولىپ جۇمىس ٸستەگەن, 70% ساڭىراۋ بولعان.
