Foto: QR MAM
Eýropanyń eń bedeldi sán sahnalarynyń birinde «Álemdi tańǵaldyrǵan ájeler» atty erekshe mádeni joba kórsetiledi, dep habarlaidy Ult.kz.
Atalmysh joba qatysýshylarynyń jasy – 60 pen 74 aralyǵynda. Olar elimizdiń ártúrli óńirlerinen kasting arqyly iriktelgen. Eýropanyń sán sahnasyn baǵyndyrýǵa 20 qatysýshy attanady. Kórsetilimderde olar ulttyq naqyshtaǵy «Aq marjan» toptamasyn usynbaq.
Foto: QR MAM
Jobanyń avtory – Raýshan Ánýarbekova, tanymal sánger, Eýraziia Dizainerler Odaǵynyń múshesi, Ulttyq Dizainerler Akademiiasynyń akademigi. Ol qazaqtyń ulttyq dástúrinen shabyttanǵan zamanaýi toptamalarymen tanymal jáne buǵan deiin óz jumystaryn Milan Fashion Week, Paris Fashion Week, Aspara Fashion Week sahnalarynda kórsetken.
«Álemdi tańqaldyrǵan qazaq ájeleri» jobasy Eýropa sán aptalyǵyna tórtinshi márte qatyspaq. Biylǵy is-shara Halyqaralyq qarttar kúnine jáne Qazaqstanda dástúrli túrde atalyp ótetin Qarttar aiyna arnalady.
