Elimizdiń syrtqy ister ministrligi Paragvaida qaitys boldy degen kásipkerge qatysty túsinik berdi, dep habarlaidy QazAqparat.
«Qurmetti dostar, osymen ekinshi kún BAQ-ta Paragvaida qazaqstandyq biznesmenniń múshelenip, óltirilgeni týraly aqparat tarap jatyr. Osyǵan orai ólgen adamnyń Qazaqstannyń azamaty emes ekenin aitqymyz keledi. Ol keńes odaǵy kezinde, iaǵni QazKSR zamanynda týyp, 80 jyldary elimizden ketken bolýy kerek. Sondyqtan ol kisini qazaqstandyq biznesmen dep aitý durys emes, onyń ústine qazaqstandyq azamat ta emes», - dep habarlady QR SIM-niń resmi ókili Aibek Smadiiarov.
QR SIM-niń aqparatyna sáikes, marqumnyń reseilik tólqujaty bolǵan.
«Marqum bolǵan adamdy Qazaqstan azamaty degen aqparatty reseilik BAQ ókilderi taratqan. Degenmen onyń anyq-qanyǵyna eshkim jetpegen. Sondyqtan aqparattyń qate ekenin eskertkimiz keledi», - deidi ministrlikten.
