ەلٸمٸزدٸڭ سىرتقى ٸستەر مينيسترلٸگٸ پاراگۆايدا قايتىس بولدى دەگەن كەسٸپكەرگە قاتىستى تٷسٸنٸك بەردٸ, دەپ حابارلايدى قازاقپارات.
«قۇرمەتتٸ دوستار, وسىمەن ەكٸنشٸ كٷن باق-تا پاراگۆايدا قازاقستاندىق بيزنەسمەننٸڭ مٷشەلەنٸپ, ٶلتٸرٸلگەنٸ تۋرالى اقپارات تاراپ جاتىر. وسىعان وراي ٶلگەن ادامنىڭ قازاقستاننىڭ ازاماتى ەمەس ەكەنٸن ايتقىمىز كەلەدٸ. ول كەڭەس وداعى كەزٸندە, ياعني قازكسر زامانىندا تۋىپ, 80 جىلدارى ەلٸمٸزدەن كەتكەن بولۋى كەرەك. سوندىقتان ول كٸسٸنٸ قازاقستاندىق بيزنەسمەن دەپ ايتۋ دۇرىس ەمەس, ونىڭ ٷستٸنە قازاقستاندىق ازامات تا ەمەس», - دەپ حابارلادى قر سٸم-نٸڭ رەسمي ٶكٸلٸ ايبەك سماديياروۆ.
قر سٸم-نٸڭ اقپاراتىنا سەيكەس, مارقۇمنىڭ رەسەيلٸك تٶلقۇجاتى بولعان.
«مارقۇم بولعان ادامدى قازاقستان ازاماتى دەگەن اقپاراتتى رەسەيلٸك باق ٶكٸلدەرٸ تاراتقان. دەگەنمەن ونىڭ انىق-قانىعىنا ەشكٸم جەتپەگەن. سوندىقتان اقپاراتتىڭ قاتە ەكەنٸن ەسكەرتكٸمٸز كەلەدٸ», - دەيدٸ مينيسترلٸكتەن.
