«Talap» qoldanbaly zertteýler ortalyǵynyń direktory Rahym Oshaqbaev Densaýlyq saqtaý ministri Aleksei Tsoidyń koronavirýs pen pnevmoniia statistikasyn biriktirý bastamasyna qatysty pikir bildirdi. Onyń aitýynsha, osy arqyly pandemiianyń Qazaqstandaǵy aýqymy týraly shynaiy málimet halyqqa jetedi, dep habarlaidy QazAqparat.
«Kovidti pnevmoniia men bakterialdy pnevmoniia bar. Onyń shyqqan tegin anyqtap bere alatyn arnaiy test baryn bilemiz. Biraq bizdiń elde ol joq. Densaýlyq saqtaý ministri búgin jariialaǵan shara - óte durys. Biz osylaisha Qazaqstandaǵy epidemiia aýqymy týraly shynaiy málimet alatyn boldyq», - dedi Rahym Oshaqbaev.
Onyń aitýynsha, eldegi ahýaldyń qandai ekenine qaramastan jalǵan málimet bermeý kerek.
«Ainalyp kelip pnevmoniia jaǵdaiy kóp bolyp shyqty da, koronavirýs infektsiiasyn juqtyrǵandar sany 66 myń ǵana bolyp qaldy. Shynaiy ahýal qanshalyqty úreili bolsa da, málimetti durys berý kerek. Sebebi jalǵan málimet halyqqa qisapsyz qiyndyq ákeledi. Artynsha qoǵam pandemiia aýqymyna jiti baǵa bere almaidy. Sol sebepti koronavirýs pen pnevmoniia boiynsha statistikany biriktirýge qatysty Aleksei Tsoidyń málimdemesin qoldaimyn», - dedi Rahym Oshaqbaev.
