Saiasattanýshy Andrei Chebotarev Májilis jáne máslihat depýtattarynyń aldaǵy sailaýyna qatysty pikir bildirdi, dep habarlaidy QazAqparat.
«Birinshiden, sailaý Parlament Májilisi men barlyq deńgeidegi máslihattardy merziminen buryn taratpai, konstitýtsiialyq turǵyda bekitilgen merzimde ótkeli otyr. Sońǵy ret merzimdi saqtaý tártibi 2003 (máslihattardy sailaý) jáne 2004 jyldary bolǵan edi. Sol sebepti bul jaǵdaida konstitýtsiialyq quqyq saiasi koniýnktýrny ainalyp ótti. Ekinshiden, parlamenttik jáne jergilikti sailaýlar úilesimdiligimen qatar proportsionaldy negizde ótedi. Óz kezeginde bul jaǵdai belsendilik pen nátijelilikke qarai partiialardyń elektoraldy reitingine qatty áser etedi. Úshinshiden sailaý jalǵasyp kele jatqan COVID-19 indeti men onyń saldarymen tuspa-tus ótkeli tur. Bir jaǵynan bilik bul rette sanitariialyq-epidemiologiialyq sipattaǵy belgili bir sharalardyń saqtalýyn qadaǵalai otyryp, sailaýaldy sharalar men daýys berý rásimin ótkizýi kerek», - deidi ol jelidegi paraqshasynda.
Sarapshynyń aitýyna qaraǵanda sailaýdaǵy partiialyq quram 2016 jylǵydai bolady. Qazirgi partiialar óziniń kún tártibin aiqyndap qoiǵan.
«Sondai-aq bul sailaý eldegi bilik tranziti protsesindegi kezekti ári mańyzdy kezeń bolmaq. Jalpy aitqanda sailaý kampaniiasy bastaldy. Pandemiia men qoǵamnyń kóńil-kúiine qatysty qazirgi faktorlardy esepke alsaq, bul sailaý ońai bolmaidy», - dedi ol.
Eske sala ketsek búgin Memleket basshysy Qasym-Jomart Toqaev QR Parlamenti Májilisi jáne máslihat depýtattary sailaýyn taǵaiyndaý týraly úndeý jariialaǵan bolatyn.
«Búgin men Parlament Májilisi depýtattarynyń sailaýyn taǵaiyndaý týraly Jarlyqqa qol qoidym. Ortalyq sailaý komissiiasynyń qaýlysymen barlyq deńgeidegi máslihat depýtattarynyń sailaýy taǵaiyndalady. Aldaǵy sailaý konstitýtsiialyq merzimge sáikes, 2021 jyldyń 10 qańtarynda ótedi. Barlyq saiasi partiialardyń bul sailaý naýqanyna qatysýǵa daiyndalýyna, sailaý aldyndaǵy platformasyn ázirleýine, partiialyq infraqurylymdardy jetildirýine ýaqyty jetkilikti boldy», - dedi Prezident úndeýinde.
