Densaýlyq saqtaý ministri Ajar Ǵiniiat koronavirýs pandemiiasyna jumsalǵan qarjy kólemin jariialady, dep habarlaidy Sputnik Qazaqstan.
Pandemiia bastalǵan 2020 jyly biýdjetten 252 milliard teńge jumsalǵan bolatyn.
"Osy aqshanyń 28 milliardy dári-dármekti, sonyń ishinde qorǵanys quraldaryn jáne meditsinalyq tehnikany satyp alýǵa jiberildi. 197 milliard teńgesi dárigerlerdiń eńbekaqysy sol kezdegi ústemeaqyǵa jumsaldy. Issapar shyǵyndary da boldy. Ásirese, sanitarlyq epidemiologiialyq qyzmet mamandary issaparǵa jii shyqqan", - dedi Ǵiniiat ortalyq kommýnikatsiialar qyzmetinde ótken brifingte.
Budan bólek, 20 milliard teńge meditsinalyq saqtandyrý qoryna aýdaryldy. Oǵan meditsinalyq kómektiń aqysy tólendi.
"Al 2021 jyly 556 milliard teńge boldy. Óitkeni ol jyly jyl boiy koronavirýs infektsiiasymen kúrestik. Úsh tolqyny boldy. Aýrýdyń ýshyqqan túri shyqty. Sol kezde 97 milliard teńgege vaktsina satyp alyndy. PTR-test pen shpritster jetkizildi. Sondai-aq, 413 milliard teńgesi meditsinalyq qyzmetkerlerdiń ústemeaqysy men eńbekasyna aýdaryldy. 40 milliard meditsinalyq saqtandyrý qory arqyly aýrýhanalar men emhanalarǵa tólendi", - dep atap kórsetti Ǵiniiat.
Biyl pandemiiamen kúres sharalaryna 86 milliard teńge qarastyrylyp otyr. Sonyń ishinde 9 milliard Vero Cell jáne QazVaq vaktsinalaryn satyp alýǵa jumsaldy. Al 20 milliard teńgesi byltyr satyp alynǵan Pfizer vaktsinasy úshin tólendi.
Aita keteri, qazirgi kezde karantindik sharalardy alyp tastady. Betperde kiiýdiń qajeti joq. Aldaǵy ýaqytta karantin engizý jospary joq. Alaida ministr Ǵiniiat "barlyǵy epidemiologiialyq jaǵdaiǵa bailanysty bolady" dep otyr.
