Búgin QR Ortalyq sailaý komissiiasynyń múshesi Serik Sydyqov koronavirýs pandemiiasyna bailanysty Májilis pen máslihat sailaýyn ótkizý merzimi nege aýystyrylmaǵanyna qatysty aitty, dep habarlaidy QazAqparat tilshisi.
Onyń atap ótýinshe, Konstitýtsiiamyzda da, Zańdarymyzda da karantin engizilgen kezde nemese ózge de jaǵdailarda sailaýdy ótkizbeý nemese basqa ýaqytta aýystyrý – kózdelmegen.
«Memlekettik organdardyń jáne laýazymdy tulǵanyń ókilettigine qatysty másele týyndaýy múmkin. Óitkeni Konstitýtsiia men Zańdarda memlekettik organdarǵa sailanatyn laýazymdy tulǵanyń ókilettigin uzartý qarastyrylmaǵan. Sondyqtan sailaý belgilengen ýaqytta ótedi», - dedi Serik Sydyqov Ortalyq sailaý komssiiasynda ótken baspasóz máslihaty barysynda.
Sonymen qatar ol jazda Senat depýtattaryn sailaý barysynda sanitarlyq-epidemiologiialyq talaptardyń qatań saqtalǵanyn atap ótti.
«Jazda Senat depýtattaryn sailaýdy ótkizdik. Shynymen de ol kezde sailaýshylar sany shekteýli boldy. Soǵan qaramastan densaýlyq saqtaý organdary, aýmaqtyq komissiialar tiisti jumys júrgizdi. Belgili bir ereje bekitildi. Al aldaǵy sailaýǵa daiyndyq protsesinde bizbe birge densaýlyq saqtaý organdary da jumys istep jatyr. Daýys berý ýaqytynda infektsiianyń taralyna jol bermeý úshin barlyq qajetti shara qabyldanady», - dedi ol.
