Álemge taralǵan koronavirýstyń órshýi energo resýrstarǵa aitarlyqtai áser etti. Bul týraly QR Energetika ministri Nurlan Noǵaev halyq aldynda esep berý kezdesýinde aitty, dep habarlaidy QazAqparat.
«Memleket basshysynyń jarlyǵymen ótken jyly Ekologiia, geologiia jáne tabiǵi resýrstar ministrligi quryldy jáne Energetika ministrliginiń qorshaǵan ortany qorǵaý salasyndaǵy fýnktsiialary men ókilettikteri jańa qurylǵan ministrlikke aýysty. Qazirgi tańda Energetika ministrliginiń qyzmeti kelesi strategiialyq baǵyttarǵa jikteledi: munai jáne gaz salasyn damytý, trategiialyq baǵyttardy júzege asyrý, elektr energetkasy, atom energetkasy, jańartylǵan energiia kózderin paidalaný salalary. Álemge taralǵan koronavirýstyń órshýi energo resýrstarǵa da aitarlyqtai áser etti. Biz de ózimizdiń jyldyq josparymyzdy álemde qalyptasqan jaǵdaiǵa sáikes rettep, biraz túzetý engizdik», - deidi QR Energetika ministri Nurlan Noǵaev
Ol munai óndirisine toqtalyp ótti.
«Birinshiden, 2019 jyly munai óndirý 90,5 mln tonnany quraǵan bolatyn. Alaida munai baǵasynyń qubylmalyǵy jáne pandemiia kezinde álemdik ekonomikanyń turaqsyz damý jaǵdaiynda biyl munai óndirý josparyn 86 mln tonnaǵa, iaǵni 4,5%-ǵa tómendettik», - deidi ol.
