Koronavirýs pandemiiasy mektep oqýshylarynyń psihikalyq jai-kúiiniń buzylý jaǵdaiynyń aitarlyqtai artýyna alyp keldi, dep habarlaidy ORF teleradiokompaniiasy.
Dýnai Krems ýniversiteti men Vena meditsina ýniversiteti birlesken zertteý júrgizdi, oǵan 3052 oqýshy qatysty. Nátijesinde balalardyń 56%-ynda depressiia belgileri bar ekeni anyqtaldy. Oqýshylardyń jartysy mazasyzdyqty sezinedi, tórtten biri uiqynyń buzylýynan zardap shegýde. Árbir altynshy oqýshynyń (16%) kún saiyn sýitsidtik oilary bolady eken.
«Depressiia men mazasyzdyq belgileriniń, sondai-aq uiqynyń buzylýynyń jiiligi bes-on ese ósti jáne bul úrdis kúsheie tústi. Sondai-aq qazirgi ýaqytta sýitsidtik oiǵa batatyn jastardyń kóp bolýy alańdaýshylyq týdyrady», -deidi Dýnai Krems ýniversitetiniń zertteý jetekshisi Kristof Pie.
Zertteýshiler pandemiia kezinde mektep oqýshylarynyń smartfonǵa ketetin ýaqyty edáýir artqandyǵyna nazar aýdardy. Oqýshylardyń shamamen jartysy telefonǵa kúnine bes nemese odan da kóp saǵat jumsaidy. Bul 2018 jylmen salystyrǵanda eki ese kóp.
«Psihikalyq aýytqýlardyń jiiligi uialy telefondy kúndelikti qoldanýdyń kóbeiýine bailanysty artady», - dep atap ótti Kristof Pie.
