كوروناۆيرۋس پاندەميياسى مەكتەپ وقۋشىلارىنىڭ پسيحيكالىق جاي-كٷيٸنٸڭ بۇزىلۋ جاعدايىنىڭ ايتارلىقتاي ارتۋىنا الىپ كەلدٸ, دەپ حابارلايدى ORF تەلەراديوكومپانيياسى.
دۋناي كرەمس ۋنيۆەرسيتەتٸ مەن ۆەنا مەديتسينا ۋنيۆەرسيتەتٸ بٸرلەسكەن زەرتتەۋ جٷرگٸزدٸ, وعان 3052 وقۋشى قاتىستى. نەتيجەسٸندە بالالاردىڭ 56%-ىندا دەپرەسسييا بەلگٸلەرٸ بار ەكەنٸ انىقتالدى. وقۋشىلاردىڭ جارتىسى مازاسىزدىقتى سەزٸنەدٸ, تٶرتتەن بٸرٸ ۇيقىنىڭ بۇزىلۋىنان زارداپ شەگۋدە. ەربٸر التىنشى وقۋشىنىڭ (16%) كٷن سايىن سۋيتسيدتٸك ويلارى بولادى ەكەن.
«دەپرەسسييا مەن مازاسىزدىق بەلگٸلەرٸنٸڭ, سونداي-اق ۇيقىنىڭ بۇزىلۋىنىڭ جيٸلٸگٸ بەس-ون ەسە ٶستٸ جەنە بۇل ٷردٸس كٷشەيە تٷستٸ. سونداي-اق قازٸرگٸ ۋاقىتتا سۋيتسيدتٸك ويعا باتاتىن جاستاردىڭ كٶپ بولۋى الاڭداۋشىلىق تۋدىرادى», -دەيدٸ دۋناي كرەمس ۋنيۆەرسيتەتٸنٸڭ زەرتتەۋ جەتەكشٸسٸ كريستوف پيە.
زەرتتەۋشٸلەر پاندەمييا كەزٸندە مەكتەپ وقۋشىلارىنىڭ سمارتفونعا كەتەتٸن ۋاقىتى ەدەۋٸر ارتقاندىعىنا نازار اۋداردى. وقۋشىلاردىڭ شامامەن جارتىسى تەلەفونعا كٷنٸنە بەس نەمەسە ودان دا كٶپ ساعات جۇمسايدى. بۇل 2018 جىلمەن سالىستىرعاندا ەكٸ ەسە كٶپ.
«پسيحيكالىق اۋىتقۋلاردىڭ جيٸلٸگٸ ۇيالى تەلەفوندى كٷندەلٸكتٸ قولدانۋدىڭ كٶبەيۋٸنە بايلانىستى ارتادى», - دەپ اتاپ ٶتتٸ كريستوف پيە.
