QR Aqparat jáne qoǵamdyq damý vitse-ministri Bolat Tilepov pandemiia kezindegi qaiyrymdylyq pen volonterlik jumysy týraly baiandady, dep habarlaidy QazAqparat.
«Pandemiia kezinde qaiyrymdylyq pen volonterlik jalpyulttyq sipat aldy. Osyǵan bailanysty Memleket basshysy Qasym-Jomart Toqaev qaiyrymdylyqqa qarajat bólý baǵytynda biznestiń qolailylyǵy men paidasyn qamtamasyz etý úshin qaiyrymdylyq qyzmetin qoldaý jóninde tiisti tapsyrmalar berdi. Azamattyq jáne halyqaralyq qaýymdastyqtyń qoǵamymyzdyń uzaq merzimdi damý maqsattaryna qol jetkizý men ózekti áleýmettik problemalardy sheshý úshin qolaily jaǵdai jasaýǵa baǵyttalǵan kúsh-jigerine memleket belsendi túrde qoldaý kórsetedi. Osynyń nátijesinde búgingi forýmnyń taqyryby tájiribe almasýǵa, Qazaqstandaǵy qaiyrymdylyq qyzmetine úzdik álemdik tájiribelerdi engizýge arnalady», - dedi B. Tilepov «Qazmedia» ortalyǵynda ótken Donorlar forýmynyń ashylýynda.
Vitse-ministr memlekettiń, donorlardyń, grant berýshi uiymdardyń jáne biznes pen ÚEU-nyń birlesken kúsh-jigeri qiyndyqtardy jeńýge kómektesetinin atap ótti.
«Ózderińiz biletindei, 2020 jyl koronovirýs pandemiiasyna bailanysty airyqsha kezeń bolyp otyr, ol búkilálemdik qaýymdastyqta úlken daǵdarys týdyrdy jáne barlyq derlik salada adamdar men qoǵamnyń úirenshikti ómir saltyn buzdy. Kóptegen eldegi qaýymdastyqtar oqshaýlanýdan týyndaǵan daǵdarystyń alǵashqy tolqynynan shyqty, onda azamattyq qoǵam da, biznes te, halyqaralyq damý uiymdary men memleket te óz rólin belsendi kórsetti. Bul pandemiia úlgisinde anyq kórinedi jáne munda halyqaralyq grant berýshi jáne donorlyq uiymdar erekshe kózge tústi. Kompaniialardyń ózderi qiyndyqtarǵa tap bolsa da, belsendi kómek kórsett», - dedi B. Tilepov.
Osy oraida B. Tilepov Qazaqstandaǵy Túrkiia yntymaqtastyq jáne úilestirý agenttigine (TIKA) Azamattyq bastamalardy qoldaý ortalyǵyna qoldaý kórsetkeni úshin jáne ortalyq bazasynda mediabólmeni jabdyqtaǵany úshin alǵys bildirdi.
Bul ÚEU úshin aitarlyqtai qoldaý boldy. Mundai qoldaý azamattyq qoǵamnyń múmkindikterin onlain formatta nyǵaitý men keńeitý úshin óte mańyzdy. Azamattyq bastamalardy da belsendi qoldaý mańyzdy. 2008 jyly biznestiń áleýmettik jaýapkershiligi máseleleri jónindegi respýblikalyq forýmda Elbasy N.Nazarbaev memleket pen biznestiń áleýmettik jaýapkershiligin qalyptastyrýdyń ornyqty damýdyń bazalyq sharttarynyń biri ekenin aitty. Pandemiiada iskerlik qaýymdastyqty qoldaýdy qoǵamnyń turaqty damýyn qamtamasyz etý úshin tereńdei túsýi tiis sinergiianyń kórinisi retinde qarastyramyz. Búgingi forým qaiyrymdylyq pen donorlyqtyń ózekti máselelerin sheshýdiń jańa tásilderin ázirleýge yqpal etetinine jáne azamattyq qoǵamdy ilgeriletýge kúsh-jigerdi shoǵyrlandyrý jónindegi pikirler men usynystarmen almasý úshin mańyzdy bolatynyna senimdimin», - dedi Bolat Tilepov.
Aita keteiik, forýmdy QR Aqparat jáne qoǵamdyq damý ministrliginiń qoldaýymen Azamattyq bastamalardy qoldaý ortalyǵy uiymdastyrǵan. Forým qorytyndysy boiynsha Qazaqstannyń IX Azamattyq forýmynyń qarar jobasyna usynystar men usynymdar ázirlenedi.
