Eldegi epidemiologiialyq jaǵdai boiynsha derekterdi baqylaý jáne taldaý maqsatynda ázirlengen «Ashyq» qosymshasy 13 myń kásipkerliktiń jumysyn bastaýyna múmkindik jasaidy. Bul týraly «Atameken» QR UQP Basqarma tóraǵasynyń orynbasary Nariman Ábilshaiyqov aitty, dep habarlaidy QazAqparat.
«Bastapqyda bul ilki júieni Almaty qalasynda qolǵa almaq bolǵan edik. Óitkeni, bizde áli jumysyn bastamaǵan 13 myńnan astam kásipkerimiz bar. Onyń ishine kompiýterlik klýbtar, banket, boýling, biliard zaldary kiredi. Osyǵan bailanysty atalǵan saladaǵy kásipkerlerdiń jumysyn jandandyrý maqsatynda ilki júieni qolǵa almaqpyz. Osy aidyń basynan Nur-Sultan men Almaty qalalarynda bul júiege 55-ten astam kásipker qatysýda. Jalpy platformada 8 myńnan astam kásipker tirkeldi. Bul jumysty kásipkerlermen júrgizip, 2 apta ishinde qorytyndysyn shyǵaramyz. Basqa kásipkerlik salalardy engizýge bolatyndyǵyn ne bolmaityndyǵyn zerdelegennen keiin bas memlekettik sanitar dárigerge usynamyz», - dedi ol Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Onyń atap ótýinshe, bazarlarda, saýda-sattyq ortalyqtarynda, úi jaiyndaǵy dúkenderde mundai QR-kodtardy engizýdiń esh qajeti joq.
Buǵan deiin, QR Tsifrlyq damý, innovatsiialar jáne aeroǵarysh ónerkásibi ministrligi men Densaýlyq saqtaý ministrligi birlesip, eldegi epidemiologiialyq jaǵdai boiynsha derekterdi baqylaý jáne taldaý maqsatynda «Ashyq» qosymshasyn ázirlegenin habarlaǵan edik.
