Májilis depýtaty Murat Temirjanov balalar oftalmologiiasy salasyndaǵy kemshilikterdi keltirip, Úkimet basshysyna depýtattyq saýal joldady, dep habarlaidy QazAqparat.
«Ókinishke qarai koronavirýs pandemiiasy bizdiń balalarymyzǵa smartfondy, kompiýterler men basqa da gadjetterdi burynǵydan kóbirek qoldanýyna itermeledi. Munyń saldary kórý qabiletin nasharlatady. Kóptegen elde balalardyń kórý qabiletiniń azaiýýy – ulttyq qaýip retinde moiyndaldy. Balalardy qaraityn oftalmologtardyń joqtyǵy jaǵdaidy tipti qiyndatyp tur. Al jetekshi oftalmologiialyq emhanalar adamdardy 18 jastan bastap qana qabyldaidy», - deidi ol.
Depýtat qazirgi qashyqtan oqytý kezinde dene shynyqtyrý sabaǵynyń ózi esse jazý kúiinde ótip jatqanyn mysalǵa keltirdi.
«Kózin qaratý úshin aqsha taba almai jatqan adamdarǵa qalai kómektesemiz? Densaýlyq saqtaý ministrliginen alǵan jaýaptan bul jaǵdaida memleketten kómek bolmaitynyn uqtyq. Al áleýmettik jelini aqtaryp otyryp, kúnde-kúnde kómek kútken naýqastardyń sýretin kóremiz», - dedi ol.
Osy máselelerdi aita kele Murat Temirjanov birneshe usynys bildirdi.
«Osyǵan bailanysty Úkimetten balalar oftalmologiiasy salasyndaǵy jaǵdaiǵa túzetý engizip, shuǵyl sharalardy qabyldaýdy suraimyz. Sonymen qatar azamattardyń densaýlyǵyna mán berip, áleýmettik jelilerge kúndelikti monitoring júrgizip, kómek berilýi tiis naqty adamdardyń sanatyn anyqtaý kerek», - dedi ol.
