Sarapshylar Pákistanda juma kúni tańerteń bolǵan áýe apaty ornyndaǵy ushaq synyqtaryn muqiiat zerttep jatyr, - dep habarlaidy "Ult aqparat" CBS News agenttigine silteme jasap.
Bortynda 100-ge jýyq adam otyrǵan Airbus ushaǵy Karachi qalasyndaǵy úilerdiń ústine qulaǵan. Apat kezinde eki adam tiri qalǵan.
Beinebaqylaý kamerasy ushaqtyń turǵyn úiler ústine qulap túsken sátin jazyp alǵan. Qutqarýshylar úiindi astynan bank prezidenti Zafar Masýdty arshyp aldy. Abyroi bolǵanda, Masýd - tiri, tek birneshe jeri synǵan. Onyń qasyndaǵy jolaýshy Muhammed Zýbair de aman qalǵan.
«Ushaq órtene bastady... Men qaýipsizdik beldigin sheshtim, jaryqty kórdim», dedi ol aýrýhana palatasynda jatyp.
Aviatsiialyq qyzmet ókilderi bortynda 98 adam bolǵan A320 ushaǵy Lahordan ushyp shyǵyp, Karachiǵa qonbaq bolǵanyn málimdedi. Alaida, jol ústinde eki qozǵaltqyshy da isten shyqqan.
Pákistan jaqynda koronavirýs pandemiiasy kezinde birneshe aptaǵa sozylǵan karantinnen keiin ishki reisterdi qaita qalpyna keltirgen. Eldiń premer-ministri Imran Han ushaq apaty tolyq tergeletinin aityp ýáde berdi.
Pákistannyń ishki ister ministri Idjaz Ahmad Shah ushaqta aqaý bolǵanyn málimdedi, jol apatyna deiin ushqysh qozǵaltqyshtyń isten shyqqanyn habarlap, signal jibergen.
