ساراپشىلار پەكٸستاندا جۇما كٷنٸ تاڭەرتەڭ بولعان ەۋە اپاتى ورنىنداعى ۇشاق سىنىقتارىن مۇقييات زەرتتەپ جاتىر, - دەپ حابارلايدى "ۇلت اقپارات" CBS News اگەنتتٸگٸنە سٸلتەمە جاساپ.
بورتىندا 100-گە جۋىق ادام وتىرعان Airbus ۇشاعى كاراچي قالاسىنداعى ٷيلەردٸڭ ٷستٸنە قۇلاعان. اپات كەزٸندە ەكٸ ادام تٸرٸ قالعان.
بەينەباقىلاۋ كامەراسى ۇشاقتىڭ تۇرعىن ٷيلەر ٷستٸنە قۇلاپ تٷسكەن سەتٸن جازىپ العان. قۇتقارۋشىلار ٷيٸندٸ استىنان بانك پرەزيدەنتٸ زافار ماسۋدتى ارشىپ الدى. ابىروي بولعاندا, ماسۋد - تٸرٸ, تەك بٸرنەشە جەرٸ سىنعان. ونىڭ قاسىنداعى جولاۋشى مۇحاممەد زۋباير دە امان قالعان.
«ۇشاق ٶرتەنە باستادى... مەن قاۋٸپسٸزدٸك بەلدٸگٸن شەشتٸم, جارىقتى كٶردٸم», دەدٸ ول اۋرۋحانا پالاتاسىندا جاتىپ.
اۆياتسييالىق قىزمەت ٶكٸلدەرٸ بورتىندا 98 ادام بولعان ا320 ۇشاعى لاحوردان ۇشىپ شىعىپ, كاراچيعا قونباق بولعانىن مەلٸمدەدٸ. الايدا, جول ٷستٸندە ەكٸ قوزعالتقىشى دا ٸستەن شىققان.
پەكٸستان جاقىندا كوروناۆيرۋس پاندەميياسى كەزٸندە بٸرنەشە اپتاعا سوزىلعان كارانتيننەن كەيٸن ٸشكٸ رەيستەردٸ قايتا قالپىنا كەلتٸرگەن. ەلدٸڭ پرەمەر-مينيسترٸ يمران حان ۇشاق اپاتى تولىق تەرگەلەتٸنٸن ايتىپ ۋەدە بەردٸ.
پەكٸستاننىڭ ٸشكٸ ٸستەر مينيسترٸ يدجاز احماد شاح ۇشاقتا اقاۋ بولعانىن مەلٸمدەدٸ, جول اپاتىنا دەيٸن ۇشقىش قوزعالتقىشتىڭ ٸستەن شىققانىن حابارلاپ, سيگنال جٸبەرگەن.
