Sársenbi kúni politseiler men jergilikti turǵyndar Pákistandaǵy Nilým alabynda Dýdneil aýylynyń mańynan qar úiindisi men qiraǵan úilerdiń astynan qaza tapqandardyń máiitin izdeýdi jalǵastyryp jatyr, dep habarlaidy gulfnews.com saity.
Izdeý toby 14 adamnyń denesin tapty. Olar kóshkin saldarynan qalyń qar astynda qalyp qoiǵan. Tabiǵi apat Kashmir aýdanynda bolǵan. Qutqarýshylardyń jumys isteýine aýa raiynyń qolaisyzdyǵy kedergi keltirýde.
Tabiǵi apat qurbandarynyń sany Kashmirde 76 bolsa, jalpy elde – 100 adamǵa jetip otyr, dep habarlady Ulttyq tabiǵi apat basqarmasy.
Nilým alaby aýdany qatty zardap shekti. Ókinishke orai, sinoptikterdiń boljamy jaqsy bolmai tur, óńirde taiaý kúnderi taǵy da aýa raiy nasharlaýy múmkin.
Sársenbi kúni Pákistannyń premer-ministri Imran Han Mýzaffarabad qalasynda jatqan zardap shegýshilerdiń jaǵdaiyn bilip qaitty.
Bilik mektepterdi, eldiń soltústik bóliginde taýly aýdandardaǵy birneshe joldy japty.
Ulttyq tabiǵi apat basqarmasynyń esebine sáikes, Nilým alabyna gýmanitarlyq kómek tielgen úsh tikushaq ushyp ketti.
El biligi zardap shekken aýdandardyń turǵyndaryn qaýipsiz aimaqqa kóshirý týraly sheshim qabyldady.
Budan buryn Kashmirde syrǵyma men kóshkin saldarynan 62 adamnyń mert bolǵanyn habarlaǵan edik.
