Bul shara valiýta qoryn saqtap qalýǵa múmkindik beredi, dep habarlaidy QazAqparat The Economic Times basylymyna silteme jasap.
Tótenshe ekonomikalyq jaǵdaiǵa bailanysty Pákistan úkimeti asa qajetti taýarlarǵa jatpaityn sándi zattardy importtaýǵa tyiym saldy.
Tyiym salynǵan taýarlardyń ishinde avtomobil, uialy telefon, turmystyq tehnika jáne kosmetika bar.
Buǵan janarmai, jeitin mai men burshaq daqyldary kirmeidi.
Pákistannyń aqparat ministri Mariým Aýrangzeb sándi taýarlarǵa tyiym salý valiýta qoryn saqtaýǵa kómektesetinin málimdedi.
Valiýta rezervi aqpan-mamyr aralyǵynda $16,3-ten $10 mlrd-qa deiin qysqarǵan.
Sonymen qatar, osynyń arqasynda úkimet jyl saiyn $6 mlrd-qa deiin qarajat únemdeýdi josparlap otyr.
Keibir boljamdarǵa sáikes, biyl Pákistannyń biýdjet tapshylyǵy shamamen $17 mlrd quraǵan nemese JIÓ-niń 4,5%-dan asady.
