Foto: alm.sud.kz alyndy
Elimiz genderlik teńdikti qamtamasyz etý maqsatynda zańnamalyq jáne áleýmettik reformalardy júzege asyryp keledi. Dúniejúzilik ekonomikalyq forýmnyń 2023 jylǵy statistikasyna súiensek, Qazaqstan teńdik indeksinde 146 eldiń ishinde 65-orynda tur. Bul kórsetkish áielderdiń el ekonomikasy men saiasatyna belsendi at salysýymen, densaýlyq saqtaý men ómir súrý deńgeiiniń artýymen bailanysty.
Belgili baspager, «Mazmundama» qorynyń negizin qalaýshy Shyńǵys Muqannyń aitýynsha, kez kelgen qoǵam daǵdarystan soń ózgeredi.
«Ádette qoǵam ózgermeidi. Adamdar osyndai paradigmalar, áleýmettik kataklizm, úlken daǵdarys kezinde ózgeredi. Turmystyq zorlyq-zombylyq boiynsha zańnyń qabyldanýy, bul taqyryptar qoǵamda jii talqylanyp jatqany, tipti sońǵy bolǵan sottyń tikelei efir arqyly ótýi – fenomen. Birinshiden, buryn sońdy sot tikelei efirde ótpegen, dál osyndai rezonans týdyrmaǵan. Búkil Qazaqstan kórdi. Bul arqyly halyqtyń quqyqtyq saýaty ósti. Ózińnen emes, ózgege qarap sabaq alǵan áldeqaida arzan. Sondyqtan bul jaǵdai qaiǵyly bolǵanymen, qoǵamdy túzeitin, sabaq bolatyn úlken keis», - deidi Shyńǵys Muqan.
Mysaly Qazaqstanda áielderdiń saiasattaǵy róli birtindep artyp keledi. 2023 jyly Parlament Májilisindegi áielderdiń úlesi 30 paiyzdy quraǵan. Senatta 25 paiyz bolsa, memlekettik qyzmettegi áielderdiń úlesi 55 paiyzdy quraidy.
.jpg)
