Ózine para usynylǵanyn habarlaǵan adamǵa 30 AEK jáne odan joǵary kólemde syiaqy beriledi. Bul týraly QR Sybailas jemqorlyqqa qarsy is-qimyl agenttiginiń 1-shi departamentiniń asa mańyzdy ister jónindegi tergeýshisi Daniiar Bekaidarov aitty, dep habarlaidy QazAqparat.
«Máselen Aqmola oblysyndaǵy túzeý mekemesinde jedel ýákilge para bergeni úshin kináli dep tanyldy. Ol jazany óteý jaǵdaiyn jaqsartý masqatynda 300 myń teńge para bermek bolǵan. Jedel ýákilge 50 AEK (nemese 126 250 teńge) aqshalai syiaqy berildi», - dedi Daniiar Bekaidarov agenttiktiń búgingi «Antikor LIVE» aidarynda.
Osyǵan uqsas jaǵdai Shyǵys Qazaqstanda da tirkelgen. 156/18 túzeý mekemesinde jazasyn óteýshilerdiń biri baqylaýshydan túrmede uialy telefon ustaýǵa ruqsat berý úshin para usynǵan. Alaida baqylaýshy bul jaily jemqorlyqqa qarsy kúres qyzmetkerlerine habar berip, sottalǵan adamnyń jazasyna taǵy 4 jyl qosylǵan. Sot úkimi kúshine engennen keiin baqylaýshyǵa da aqshalai syiaqy berilgen.
«Qazirgi jaǵdaida qoǵamnyń demeýine arqa súiep, osyndai qylmystardyń betin asha alamyz. Halyq belsendi bolǵan kezde ǵana jemqorlyqpen kúres tiimdiligin kórsetedi», - deidi ol.
