Májilismen Azat Perýashev QR Ulttyq qorynan qarajattyń tym kóp jumsalatanyn synǵa aldy, - dep habarlaidy kaz.tengrinews.kz tilshisi.
Májilis depýtaty Azat Perýashevtyń aitýynsha, Ulttyq Qordyń úsh jylǵa arnalǵan boljamy boiynsha, Ulttyq Qordaǵy qarajat 9,5 milliar dollarǵa deiin qysqarady. Sonymen qatar, májilismen qordaǵy investitsiialyq tabystyń 712 milliard teńgeden 686 milliard teńgege deiin, iaǵni 16 paiyzǵa azaiýy múmkin ekenin aityp ótti.
"Ulttyq Qorǵa qarajat tek teńgemen salynbaidy, bul degenimiz qordaǵy aqshanyń áli de biraz azaiatynyn bildiredi. Memleket basshysy negizgi eki máseleni sheshý úshin Ulttyq qordy qurdy: daǵdarys kezinde ekonomikalyq jaǵdaidy turaqtandyrý men bolashaq urpaq úshin aqsha jinaý. Bastapqyda bul qordaǵy qarajat 2007-2009 jyldardaǵy daǵdarys kezinde jumsaldy. Biraq ýaqyt óte kele Ulttyq qordaǵy qarajat biýdjetti toltyrý úshin qajetti kezde ala salatyn qarajat kózi boldy", - dedi májilismen.
Sondai-aq, Azat Perýashev bylai jalǵasa berse, Ulttyq Qordaǵy qarajattyń jetpei qalýy múmkin ekenin aitty.
"Ekonomikamyzdy damytýdyń ornyna biz ózimizge emes, bolashaq urpaǵymyzǵa tiesili aqshany jep jatyrmyz. Biz investitsiialyq tabysty kóbeitýdiń ornyna, qorda qalǵan aqshalardy jep jatyrmyz. Biraq bul jaǵdai ári qarai jalǵasa bermeýi kerek. Osy qalyppen júre bersek, kúnderdiń bir kúninde qordyń ózi bizge jetpei qalýy múmkin", - dedi depýtat.
