Soltústik Qazaqstan oblysynyń Aqqaiyń aýdanynda sintetikalyq esirtki saqtaǵan 52 jastaǵy er adam úsh jylǵa bas bostandyǵynan aiyryldy, dep habarlaidy ult.kz.
Politsiia Grigorevka men Kamyshlovo aýyldarynyń arasyndaǵy jolda kólikti toqtatyp, aýdan turǵynyn ustaǵan. Tekserý kezinde odan salmaǵy 1,06 gramm α-PVP salynǵan paket tárkilendi. Sonymen birge eki meditsinalyq tamyzǵysh tabylǵan.
Kúdikti esirtkini Petropavl qalasyndaǵy jasyryn orynnan alǵanyn moiyndaǵan. Sot ony esirtki zattaryn ótkizý maqsatynsyz zańsyz ainalymǵa jibergeni úshin kináli dep tanyp, úsh jylǵa bas bostandyǵynan aiyrdy. Qazir ol jazasyn Petropavldaǵy koloniiada ótep jatyr.
Politsiia esirtkini «ózim úshin» satyp alý nemese saqtaý jaýapkershilikten bosatpaitynyn eskertedi.
Jyl basynan beri SQO-da psihotroptyq zattardy meditsinalyq emes maqsatta tutyný jáne saqtaý faktileri boiynsha 78 adam ákimshilik jaýapkershilikke tartylǵan. Budan bólek, esirtkini asa iri mólsherde zańsyz ainalymǵa engizýge qatysty 7 adam ustalǵan.
Zań boiynsha mundai qylmys úshin úsh jyldan jeti jylǵa deiin bas bostandyǵynan aiyrý jazasy qarastyrylǵan.
