سولتٷستٸك قازاقستان وبلىسىنىڭ اققايىڭ اۋدانىندا سينتەتيكالىق ەسٸرتكٸ ساقتاعان 52 جاستاعى ەر ادام ٷش جىلعا باس بوستاندىعىنان ايىرىلدى, دەپ حابارلايدى ult.kz.
پوليتسييا گريگورەۆكا مەن كامىشلوۆو اۋىلدارىنىڭ اراسىنداعى جولدا كٶلٸكتٸ توقتاتىپ, اۋدان تۇرعىنىن ۇستاعان. تەكسەرۋ كەزٸندە ودان سالماعى 1,06 گرامم α-PVP سالىنعان پاكەت تەركٸلەندٸ. سونىمەن بٸرگە ەكٸ مەديتسينالىق تامىزعىش تابىلعان.
كٷدٸكتٸ ەسٸرتكٸنٸ پەتروپاۆل قالاسىنداعى جاسىرىن ورىننان العانىن مويىنداعان. سوت ونى ەسٸرتكٸ زاتتارىن ٶتكٸزۋ ماقساتىنسىز زاڭسىز اينالىمعا جٸبەرگەنٸ ٷشٸن كٸنەلٸ دەپ تانىپ, ٷش جىلعا باس بوستاندىعىنان ايىردى. قازٸر ول جازاسىن پەتروپاۆلداعى كولونييادا ٶتەپ جاتىر.
پوليتسييا ەسٸرتكٸنٸ «ٶزٸم ٷشٸن» ساتىپ الۋ نەمەسە ساقتاۋ جاۋاپكەرشٸلٸكتەن بوساتپايتىنىن ەسكەرتەدٸ.
جىل باسىنان بەرٸ سقو-دا پسيحوتروپتىق زاتتاردى مەديتسينالىق ەمەس ماقساتتا تۇتىنۋ جەنە ساقتاۋ فاكتٸلەرٸ بويىنشا 78 ادام ەكٸمشٸلٸك جاۋاپكەرشٸلٸككە تارتىلعان. بۇدان بٶلەك, ەسٸرتكٸنٸ اسا ٸرٸ مٶلشەردە زاڭسىز اينالىمعا ەنگٸزۋگە قاتىستى 7 ادام ۇستالعان.
زاڭ بويىنشا مۇنداي قىلمىس ٷشٸن ٷش جىلدان جەتٸ جىلعا دەيٸن باس بوستاندىعىنان ايىرۋ جازاسى قاراستىرىلعان.
