Er adam qarttar úiine 2012 jyly kelgen. Ol balalaryna kedergi jasamaiyn dep osyndai sheshim qabyldaǵan. Zeinetaqysyn nemerelerine berip, kómektesip turady. Qariianyń jaqyndaryna degen ókpesi joq, tek bir nárseni suraidy: jiirek telefon shalyp tursa deidi.
"Men ony kórgen kezde birden "birge turaiyq" dedim. Ol, árine, tańǵaldy, biraq men óz aitqanymnan taimadym. Únemi meniń qasymda, bir-birimizge kómektesip turamyz. Basqa ne qaldy? Birge ómir súrip, bir-birimizdi qurmetteimiz. (...) Keide balalaryma baryp turamyn, nemerelerim kóp. Balam kelip turady. Eshkimge renjimeimin, árkimniń óz ómiri bar", - deidi er adam.
Er adamnyń aitýynsha, olar sózge kelispei qalatyn kezder de bolady. Biraq áieli "jeńedi".
"Bárinde ondai jaǵdai bolyp turady, keide sózge kelispei qalamyz. Biraq ol daýlasyp otyrmaidy. Biz, áielder sondaimyz", - dedi ájei.
Qarttar úiinde júzden asa qariia bar. Olardyń kóbi balalary qarttar úiine qaldyryp ketkenine sengisi kelmeidi, balalaryn saǵynatyn kezder bolatynyn aitady.
