ەر ادام قارتتار ٷيٸنە 2012 جىلى كەلگەن. ول بالالارىنا كەدەرگٸ جاسامايىن دەپ وسىنداي شەشٸم قابىلداعان. زەينەتاقىسىن نەمەرەلەرٸنە بەرٸپ, كٶمەكتەسٸپ تۇرادى. قارييانىڭ جاقىندارىنا دەگەن ٶكپەسٸ جوق, تەك بٸر نەرسەنٸ سۇرايدى: جيٸرەك تەلەفون شالىپ تۇرسا دەيدٸ.
"مەن ونى كٶرگەن كەزدە بٸردەن "بٸرگە تۇرايىق" دەدٸم. ول, ەرينە, تاڭعالدى, بٸراق مەن ٶز ايتقانىمنان تايمادىم. ٷنەمٸ مەنٸڭ قاسىمدا, بٸر-بٸرٸمٸزگە كٶمەكتەسٸپ تۇرامىز. باسقا نە قالدى? بٸرگە ٶمٸر سٷرٸپ, بٸر-بٸرٸمٸزدٸ قۇرمەتتەيمٸز. (...) كەيدە بالالارىما بارىپ تۇرامىن, نەمەرەلەرٸم كٶپ. بالام كەلٸپ تۇرادى. ەشكٸمگە رەنجٸمەيمٸن, ەركٸمنٸڭ ٶز ٶمٸرٸ بار", - دەيدٸ ەر ادام.
ەر ادامنىڭ ايتۋىنشا, ولار سٶزگە كەلٸسپەي قالاتىن كەزدەر دە بولادى. بٸراق ەيەلٸ "جەڭەدٸ".
"بەرٸندە ونداي جاعداي بولىپ تۇرادى, كەيدە سٶزگە كەلٸسپەي قالامىز. بٸراق ول داۋلاسىپ وتىرمايدى. بٸز, ەيەلدەر سوندايمىز", - دەدٸ ەجەي.
قارتتار ٷيٸندە جٷزدەن اسا قارييا بار. ولاردىڭ كٶبٸ بالالارى قارتتار ٷيٸنە قالدىرىپ كەتكەنٸنە سەنگٸسٸ كەلمەيدٸ, بالالارىن ساعىناتىن كەزدەر بولاتىنىن ايتادى.
