Foto: inform.kz
Mańǵystaý oblysynda «Ózenmunaigaz» AQ men «BerÁli Mańǵystaý Company» JShS-da urlyq faktileri boiynsha tergeý júrip jatyr, dep habarlaidy Azattyq Rýhy Qarjylyq monitoring agenttigine silteme jasap.
Vedomstvo málimetinshe, «Ózenmunaigaz» AQ jáne «BerÁli Mańǵystaý Company» JShS laýazymdy tulǵalary asa iri kólemde qarajat jymqyrdy degen kúdikke ilingen.
Jańaózen turǵyndarynyń «QazMunaiGaz» AQ (Ózenmunaigaz) júiesindegi sybailas jemqorlyq jáne jymqyrý faktileri boiynsha kóptegen ótinishteriniń negizinde Qarjylyq monitoring agenttiginiń Mańǵystaý oblysy boiynsha ekonomikalyq tergep-tekserý departamenti sotqa deiingi birneshe tergeý júrgizip jatyr.
Atap aitqanda, kásiporynnyń býhgalterlik jáne ózge de resmi qujattamasynda burmalanǵan málimetterdi kórsete otyryp, jańa sorǵy-kompressorlyq qubyrlardy jalǵan ornatý arqyly urlaý faktisi boiynsha «Ózenmunaigaz» AQ laýazymdy tulǵalaryna qatysty tergeý bastalǵan.
Budan basqa, «Ózenmunaigaz» AQ laýazymdy tulǵalary men «BerÁli Mańǵystaý Company» JShS basshylyǵyna 2022 jyly munai óndirý uńǵymalaryn jóndeý jumysyn oryndaýǵa arnalǵan asa iri kólemdegi qarajatty jymqyrdy degen aiyp taǵylyp otyr.
«BerÁli Mańǵystaý Company» JShS basshysy óziniń jaqyn týystarymen arnaiy tehnikany jalǵa alý jóninde shart jasaǵany anyqtaldy. Is júzinde 248 mln teńge kóleminde alynǵan qarajat qolma-qol aqshaǵa ainaldyrylyp, jymqyrylǵan.
«Atalǵan is-qimyl arqyly «BerÁli Mańǵystaý Company» JShS basshylyǵy memleketke ǵana emes, kompaniia qyzmetkerlerine de ziian keltirgenin atap ótemiz. Qolma-qol aqsha kompaniiany damytýǵa, jumysshylardyń eńbek jaǵdaiyn jaqsartýǵa, sonyń ishinde jalaqyny kóterýge jumsalsa bolatyn edi. Bul jaǵdai kompaniianyń qarapaiym qyzmetkerleri arasynda narazylyq týdyrdy. Tergeý barysynda atalǵan faktiler tekserilip jatyr. QPK 201 babyna sáikes ózge aqparat jariia etýge jatpaidy», - dep málimdedi agenttik.
