Túrkistan oblysy ákiminiń orynbasary Ermek Kenjehanuly ózbekstandyq «Gurlan Global Teks» kompaniiasynyń prezidenti Eldor Osmanovpen kezdesti, dep habarlaidy «Ult aqparat» oblys ákimdiginiń baspasóz qyzmetine silteme jasap.
Kezdesýde ózbekstandyq kompaniia Túrkistanda maqta klasteri boiynsha zaýyt salýǵa nietti ekenin aityp, Túrkistan oblysynyń investitsiialyq áleýetimen tanysty.
Maqta sharýashylyǵy – Qazaqstannyń ekonomikasynda erekshe oryn alady. Túrkistan oblysynyń turǵyndarynyń birazy osy salada jumys isteidi. Oblys ákiminiń orynbasary maqta ósirý Maqtaral aýdanynda joǵary deńgeide jaqsy damyǵanyn tilge tiek etti. Sonymen qatar maqta klasteri boiynsha júzege asyrylatyn jobalar týraly aldaǵy josparlarymen bólisti.
Kezdesý sońynda oblys ákiminiń orynbasary ózbekstandyq «Gurlan Global Teks» kompaniiasymen maqta klasteri boiynsha ekijaqty iskerlik qarym-qatynasty ornatýǵa múddeli ekenin jetkizdi.
Aita keteiik, jaqynda Investitsiia jáne eksport basqarmasy basshysynyń orynbasary Nurgúl Abdrazaqova bastaǵan delegatsiia Ózbekstanǵa arnaiy issaparmen baryp, maqta klasteri boiynsha birqatar kompaniialarmen kelissózder júrgizgen bolatyn.
