تٷركٸستان وبلىسى ەكٸمٸنٸڭ ورىنباسارى ەرمەك كەنجەحانۇلى ٶزبەكستاندىق «Gurlan Global Teks» كومپانيياسىنىڭ پرەزيدەنتٸ ەلدور وسمانوۆپەن كەزدەستٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
كەزدەسۋدە ٶزبەكستاندىق كومپانييا تٷركٸستاندا ماقتا كلاستەرٸ بويىنشا زاۋىت سالۋعا نيەتتٸ ەكەنٸن ايتىپ, تٷركٸستان وبلىسىنىڭ ينۆەستيتسييالىق ەلەۋەتٸمەن تانىستى.
ماقتا شارۋاشىلىعى – قازاقستاننىڭ ەكونوميكاسىندا ەرەكشە ورىن الادى. تٷركٸستان وبلىسىنىڭ تۇرعىندارىنىڭ بٸرازى وسى سالادا جۇمىس ٸستەيدٸ. وبلىس ەكٸمٸنٸڭ ورىنباسارى ماقتا ٶسٸرۋ ماقتارال اۋدانىندا جوعارى دەڭگەيدە جاقسى دامىعانىن تٸلگە تيەك ەتتٸ. سونىمەن قاتار ماقتا كلاستەرٸ بويىنشا جٷزەگە اسىرىلاتىن جوبالار تۋرالى الداعى جوسپارلارىمەن بٶلٸستٸ.
كەزدەسۋ سوڭىندا وبلىس ەكٸمٸنٸڭ ورىنباسارى ٶزبەكستاندىق «Gurlan Global Teks» كومپانيياسىمەن ماقتا كلاستەرٸ بويىنشا ەكٸجاقتى ٸسكەرلٸك قارىم-قاتىناستى ورناتۋعا مٷددەلٸ ەكەنٸن جەتكٸزدٸ.
ايتا كەتەيٸك, جاقىندا ينۆەستيتسييا جەنە ەكسپورت باسقارماسى باسشىسىنىڭ ورىنباسارى نۇرگٷل ابدرازاقوۆا باستاعان دەلەگاتسييا ٶزبەكستانعا ارنايى ٸسساپارمەن بارىپ, ماقتا كلاستەرٸ بويىنشا بٸرقاتار كومپانييالارمەن كەلٸسسٶزدەر جٷرگٸزگەن بولاتىن.
