«Dúniejúzi qazaqtary qaýymdastyǵy» RQB men «Otandastar qory» KeAQ birlesip, QR Aqparat jáne qoǵamdyq damý ministrliginiń qoldaýymen onlain formatta Ózbekstandaǵy qazaqtardyń Kishi quryltaiyn ótkizdi, dep habarlaidy "Ult aqparat".
Is-sharaǵa QR Aqparat jáne qoǵamdyq damý ministri Aida Balaeva, Ózbekstan Respýblikasy Ministrler Kabineti janyndaǵy shet eldermen ultaralyq qatynastar jáne dostyq bailanystar komitetiniń bólim basshysy Ferýz Bekov, «Dúniejúzi qazaqtary qaýymdastyǵy» RQB tóraǵasynyń birinshi orynbasary Zaýytbek Turysbekov, Ózbekstandaǵy qazaq-mádeni ortalyǵynyń tóraǵasy Serikbai Úsenov, sondai-aq «Otandastar qory» KeAQ, Qazaqstan men Ózbekstannyń qoǵamdyq, mádeni birlestikteriniń ókilderi jáne basqalar qatysty.
Is-shara barysynda ministr Aida Balaeva, Ózbekstan Respýblikasy Qazaqstan úshin baýyrlas el ekenin atap ótip, bizdiń elderimizde tilder men din, mádeniet pen rýhaniiat bir-birimen bailanysty ekenin atap ótti. Eki memleket arasyndaǵy belsendi ózara qarym-qatynasy men sheteldegi qandastardy memlekettik qoldaý sharalary týraly aityp berdi.
Z.Turysbekov óz sózinde etnikalyq qazaqtardyń Ózbekstanda ómir súrýiniń tarihi aspektisine toqtalyp, eki memleket arasyndaǵy dostyq qarym-qatynastardy jáne mádeni-rýhani bailanystardy nyǵaitýdy erekshe atap ótti, sondai-aq ózbek tarapyna sheteldegi qandastarǵa qatysty qazaqstandyq bastamalarǵa qoldaý kórsetkeni úshin alǵys aitty.
Shetelde qazaqtardyń Kishi quryltaiyn ótkizý tájiribesi Qazaqstan men basqa elder arasyndaǵy gýmanitarlyq bailanystardy nyǵaitýǵa baǵyttalǵan, sondai-aq sheteldegi otandastarǵa salt-dástúrlerdi saqtaýǵa, qazaq tilin úirenýge jáne mádeni-gýmanitarlyq jobalardy iske asyrýǵa arnalǵan.
