«دٷنيەجٷزٸ قازاقتارى قاۋىمداستىعى» رقب مەن «وتانداستار قورى» كەاق بٸرلەسٸپ, قر اقپارات جەنە قوعامدىق دامۋ مينيسترلٸگٸنٸڭ قولداۋىمەن ونلاين فورماتتا ٶزبەكستانداعى قازاقتاردىڭ كٸشٸ قۇرىلتايىن ٶتكٸزدٸ, دەپ حابارلايدى "ۇلت اقپارات".
ٸس-شاراعا قر اقپارات جەنە قوعامدىق دامۋ مينيسترٸ ايدا بالاەۆا, ٶزبەكستان رەسپۋبليكاسى مينيسترلەر كابينەتٸ جانىنداعى شەت ەلدەرمەن ۇلتارالىق قاتىناستار جەنە دوستىق بايلانىستار كوميتەتٸنٸڭ بٶلٸم باسشىسى فەرۋز بەكوۆ, «دٷنيەجٷزٸ قازاقتارى قاۋىمداستىعى» رقب تٶراعاسىنىڭ بٸرٸنشٸ ورىنباسارى زاۋىتبەك تۇرىسبەكوۆ, ٶزبەكستانداعى قازاق-مەدەني ورتالىعىنىڭ تٶراعاسى سەرٸكباي ٷسەنوۆ, سونداي-اق «وتانداستار قورى» كەاق, قازاقستان مەن ٶزبەكستاننىڭ قوعامدىق, مەدەني بٸرلەستٸكتەرٸنٸڭ ٶكٸلدەرٸ جەنە باسقالار قاتىستى.
ٸس-شارا بارىسىندا مينيستر ايدا بالاەۆا, ٶزبەكستان رەسپۋبليكاسى قازاقستان ٷشٸن باۋىرلاس ەل ەكەنٸن اتاپ ٶتٸپ, بٸزدٸڭ ەلدەرٸمٸزدە تٸلدەر مەن دٸن, مەدەنيەت پەن رۋحانييات بٸر-بٸرٸمەن بايلانىستى ەكەنٸن اتاپ ٶتتٸ. ەكٸ مەملەكەت اراسىنداعى بەلسەندٸ ٶزارا قارىم-قاتىناسى مەن شەتەلدەگٸ قانداستاردى مەملەكەتتٸك قولداۋ شارالارى تۋرالى ايتىپ بەردٸ.
ز.تۇرىسبەكوۆ ٶز سٶزٸندە ەتنيكالىق قازاقتاردىڭ ٶزبەكستاندا ٶمٸر سٷرۋٸنٸڭ تاريحي اسپەكتٸسٸنە توقتالىپ, ەكٸ مەملەكەت اراسىنداعى دوستىق قارىم-قاتىناستاردى جەنە مەدەني-رۋحاني بايلانىستاردى نىعايتۋدى ەرەكشە اتاپ ٶتتٸ, سونداي-اق ٶزبەك تاراپىنا شەتەلدەگٸ قانداستارعا قاتىستى قازاقستاندىق باستامالارعا قولداۋ كٶرسەتكەنٸ ٷشٸن العىس ايتتى.
شەتەلدە قازاقتاردىڭ كٸشٸ قۇرىلتايىن ٶتكٸزۋ تەجٸريبەسٸ قازاقستان مەن باسقا ەلدەر اراسىنداعى گۋمانيتارلىق بايلانىستاردى نىعايتۋعا باعىتتالعان, سونداي-اق شەتەلدەگٸ وتانداستارعا سالت-دەستٷرلەردٸ ساقتاۋعا, قازاق تٸلٸن ٷيرەنۋگە جەنە مەدەني-گۋمانيتارلىق جوبالاردى ٸسكە اسىرۋعا ارنالعان.
