Ózbekstanda zeinet jasyn kezeń-kezeńimen arttyrý josparlanyp otyr. Qazirgi qoldanystaǵy tártip boiynsha erler 60 jasta, áielder 55 jasta zeinetke shyǵady, dep habarlaidy ult.kz.
Ózbekstanda bul ózgeris prezident jarlyǵynyń jobasynda qarastyrylǵan.
Jobaǵa sáikes, 2028 jyldyń 1 qańtarynan bastap zeinet jasy jyl saiyn úsh aiǵa ulǵaitylady. Nátijesinde 2039 jylǵa qarai erlerdiń zeinetke shyǵý jasy 63 jasqa, áielderdiki 58 jasqa jetýi tiis.
Sonymen qatar 2027 jyldan bastap zeinetaqy taǵaiyndaý úshin qajetti eń tómengi eńbek ótilin de birtindep arttyrý usynylyp otyr. Qazirgi jeti jyldyq talap 2034 jylǵa qarai 15 jylǵa jetkizilmek.
Eń tómengi eńbek ótili jinalmaǵan azamattarǵa jalpy belgilengen zeinet jasyna jetkennen keiin bes jyldan soń jasyna bailanysty járdemaqy alý múmkindigi qarastyrylǵan.
Joba boiynsha zeinetaldy jastaǵy azamattarǵa da qosymsha kepildikter beriledi. Jumys berýshiler adamdy tek zeinetaldy jasyna bailanysty jumystan shyǵara nemese jumysqa qabyldaýdan bas tarta almaidy.
Al jumyssyz retinde tanylǵan azamattar úshin zeinetke eki jyl erte shyǵý múmkindigi saqtalady.
Sondai-aq jer astynda, ziiandy jáne aýyr jaǵdaida tolyq jumys kúni eńbek etetin qyzmetkerlerge arnalǵan jeńildikter de saqtalmaq.
Budan bólek, zeinet jasyn arttyrýǵa qaramastan, erler 60 jastan, áielder 55 jastan bastap jeke zeinetaqy shottarynda jinaqtalǵan qarajatyn ala alady.
