Ózbekstanda el táýelsizdiginiń 25 jyldyǵyna orai 31 tamyzǵa belgilengen saltanatty sharalar keiinge qaldyryldy, - dep habarlaidy BBC orys qyzmeti.
Basylymnyń málimetinshe, aldyńǵy jyldary Ózbekstan prezidenti Islam Kárimov ádette jurtshylyqtyń aldyna shyǵyp, halqyn osy merekemen quttyqtaityn. Alaida taiaýda aýyr jaǵdaida aýrýhanaǵa tústi.
Alaida basylym merekelik is-sharalardyń Ózbekstan prezidentiniń aýyryp qalýyna bailanysty keiinge qaldyrdy ma, joq pa - ol jaǵyn naqtylamaidy. Kárimovtiń basyna miyna qan quiylyp, jansaqtaý bóliminde jatqanyn onyń kenje qyzy Lola Kárimova-Tilliaeva 29 tamyzda habarlaǵan bolatyn. Sol kúni Ortalyq Aziianyń orys tilinde habar taratatyn "Ferǵana" aqparat agenttigi Kárimov 29 tamyzda saǵat 15-16 shamasynda qaitys boldy degen jańalyq taratty. Keiin bul málimetti Ózbekstan ákimshiligindegi derekkózder joqqa shyǵardy.
