Ózbekstan elge keletinder úshin koronavirýsqa mindetti PTR-testileýdi qaita engizýde. Mundai sheshimdi jaqynda koronavirýsqa qarsy is-qimyl jónindegi arnaiy respýblikalyq komissiia qabyldady, dep habarlaidy "Ult aqparat".
«Sanitarlyq-epidemiologiialyq salaýattylyq jáne qoǵamdyq densaýlyq qyzmeti Ózbekstan Respýblikasyna shekaralyq ótkizý pýnktteri arqyly kiretin barlyq adamǵa PTR-testileýdiń mindetti júiesin engizedi. Ózbekstan aýmaǵyna kirgennen keiin jeti kún ishinde PTR-test qaita jasalýy kerek», – delingen vedomstvo habarlamasynda.
Esterińizge sala keteiik, buǵan deiin 15 naýryzdan bastap Ózbekstanda sońǵy 72 saǵat ishinde jasalǵan PTR-testileý alynyp tastalǵan edi.
Elde koronavirýs turaqty ósýi baiqalǵandyqtan, karantin sharalaryn qatańdatý sharalary qabyldandy. Tek ótken táýlikte koronavirýspen aýyratyn 427 naýqas anyqtaldy. Tashkent (163) jáne Tashkent oblysy (61) kósh bastap tur. Aýrýhanalarda kovid jaǵdaiy rastalǵan 3571 naýqas bar.
