ٶزبەكستان ەلگە كەلەتٸندەر ٷشٸن كوروناۆيرۋسقا مٸندەتتٸ پتر-تەستٸلەۋدٸ قايتا ەنگٸزۋدە. مۇنداي شەشٸمدٸ جاقىندا كوروناۆيرۋسقا قارسى ٸس-قيمىل جٶنٸندەگٸ ارنايى رەسپۋبليكالىق كوميسسييا قابىلدادى, دەپ حابارلايدى "ۇلت اقپارات".
«سانيتارلىق-ەپيدەميولوگييالىق سالاۋاتتىلىق جەنە قوعامدىق دەنساۋلىق قىزمەتٸ ٶزبەكستان رەسپۋبليكاسىنا شەكارالىق ٶتكٸزۋ پۋنكتتەرٸ ارقىلى كٸرەتٸن بارلىق ادامعا پتر-تەستٸلەۋدٸڭ مٸندەتتٸ جٷيەسٸن ەنگٸزەدٸ. ٶزبەكستان اۋماعىنا كٸرگەننەن كەيٸن جەتٸ كٷن ٸشٸندە پتر-تەست قايتا جاسالۋى كەرەك», – دەلٸنگەن ۆەدومستۆو حابارلاماسىندا.
ەستەرٸڭٸزگە سالا كەتەيٸك, بۇعان دەيٸن 15 ناۋرىزدان باستاپ ٶزبەكستاندا سوڭعى 72 ساعات ٸشٸندە جاسالعان پتر-تەستٸلەۋ الىنىپ تاستالعان ەدٸ.
ەلدە كوروناۆيرۋس تۇراقتى ٶسۋٸ بايقالعاندىقتان, كارانتين شارالارىن قاتاڭداتۋ شارالارى قابىلداندى. تەك ٶتكەن تەۋلٸكتە كوروناۆيرۋسپەن اۋىراتىن 427 ناۋقاس انىقتالدى. تاشكەنت (163) جەنە تاشكەنت وبلىسى (61) كٶش باستاپ تۇر. اۋرۋحانالاردا كوۆيد جاعدايى راستالعان 3571 ناۋقاس بار.
