pressfoto/Freepik
Saýda jáne integratsiia vitse-ministri Qairat Tórebaevqa Ózbekstanda un men nan Qazaqstanǵa qaraǵanda nege arzanyraq degen suraq qoiyldy, - dep habarlaidy Tengrinews.kz saity.
"Nege biz óz elimizde ósirip, un óndirsek te, nandy qazaqstandyq bidaidyń negizgi importshysy bolyp tabylatyn Ózbekstannan da qymbatqa alamyz?" – dep surady jýrnalister Senat kýlýarynda.
Saýda vitse-ministri suraqqa jaýap berý úshin "Ózbekstan naýbaihanalarynyń shyǵyny men qazaqstandyq naýbaihanalardyń shyǵynyn qaraý kerek" dep túsindirdi.
"Bul jerde árbir kásiporynnyń ekonomikalyq negizdemesi qamtylǵan. Iaǵni, qandai da bir ónim shyǵarǵan kezde el ishindegi barlyq shyǵyn esepteledi: elektr energiiasy, salyqtar jáne basqa shyǵyndar qarastyrylady. Birdei zattardy salystyrý kerek, Qazaqstandaǵy nan sapasy jaǵynan Ózbekstandaǵymen birdei me? Sondyqtan bul jerde másele óte kúrdeli", - dep túsindirdi Qairat Tórebaev.
