Foto: Upl.uz
Ózbekstanda uzaqqa sozylǵan otbasylyq janjaldyń sońy sumdyq qylmysqa ulasty, dep habarlaidy Ult.kz Protocol.uz basylymyna silteme jasap.
Tergeý derekterine súiensek, kelin men ene arasyndaǵy arazdyq jyldar boiy jalǵasyp kelgen. Bir-birine degen qyzǵanysh pen óshpendilik bir kúni qaiǵyly oqiǵaǵa ákelgen.
Kezekti urys kezinde kelin ashýǵa berilip, enesine pyshaq suqqan. Áiel sol sátte kóz jumǵan. Óz áreketin jasyrý úshin kelin máiitti bólshektep, aýlaǵa kómip tastaǵan.
Biraq sumdyq munymen aiaqtalmaǵan: oqiǵaǵa kýá bolǵan kúieýi áieliniń qylmysyn áshkereleýge tyrysqan sátte, ol da áieldiń qolynan qaza tapqan.
Qylmystan keiin kelin ózin eshteńe bolmaǵandai ustap, asúige kirip, enesiniń etinen manty pisirip, ony kórshilerine taratqan. Osylaisha ol ainalasyndaǵylardyń kúdigin seiiltpek bolǵan.
Alaida kóp uzamai qylmys áshkerelenip, áiel ustaldy. Sot ony kináli dep tanyp, 12 jyl 3 aiǵa bas bostandyǵynan aiyrdy.
Bul sumdyq oqiǵa Ózbekstandaǵy turmystyq zorlyq-zombylyq pen otbasyndaǵy psihologiialyq qysym máselesin qaita shyǵardy.
Sarapshylar mundai tragediialardyń aldyn alý úshin janjaldardy erte satyda sheshý, otbasylyq daýlarǵa psihologiialyq jáne áleýmettik kómek kórsetýdiń mańyzyn atap ótti.
