فوتو: Upl.uz
ٶزبەكستاندا ۇزاققا سوزىلعان وتباسىلىق جانجالدىڭ سوڭى سۇمدىق قىلمىسقا ۇلاستى, دەپ حابارلايدى Ult.kz Protocol.uz باسىلىمىنا سٸلتەمە جاساپ.
تەرگەۋ دەرەكتەرٸنە سٷيەنسەك, كەلٸن مەن ەنە اراسىنداعى ارازدىق جىلدار بويى جالعاسىپ كەلگەن. بٸر-بٸرٸنە دەگەن قىزعانىش پەن ٶشپەندٸلٸك بٸر كٷنٸ قايعىلى وقيعاعا ەكەلگەن.
كەزەكتٸ ۇرىس كەزٸندە كەلٸن اشۋعا بەرٸلٸپ, ەنەسٸنە پىشاق سۇققان. ەيەل سول سەتتە كٶز جۇمعان. ٶز ەرەكەتٸن جاسىرۋ ٷشٸن كەلٸن مەيٸتتٸ بٶلشەكتەپ, اۋلاعا كٶمٸپ تاستاعان.
بٸراق سۇمدىق مۇنىمەن اياقتالماعان: وقيعاعا كۋە بولعان كٷيەۋٸ ەيەلٸنٸڭ قىلمىسىن ەشكەرەلەۋگە تىرىسقان سەتتە, ول دا ەيەلدٸڭ قولىنان قازا تاپقان.
قىلمىستان كەيٸن كەلٸن ٶزٸن ەشتەڭە بولماعانداي ۇستاپ, اسٷيگە كٸرٸپ, ەنەسٸنٸڭ ەتٸنەن مانتى پٸسٸرٸپ, ونى كٶرشٸلەرٸنە تاراتقان. وسىلايشا ول اينالاسىنداعىلاردىڭ كٷدٸگٸن سەيٸلتپەك بولعان.
الايدا كٶپ ۇزاماي قىلمىس ەشكەرەلەنٸپ, ەيەل ۇستالدى. سوت ونى كٸنەلٸ دەپ تانىپ, 12 جىل 3 ايعا باس بوستاندىعىنان ايىردى.
بۇل سۇمدىق وقيعا ٶزبەكستانداعى تۇرمىستىق زورلىق-زومبىلىق پەن وتباسىنداعى پسيحولوگييالىق قىسىم مەسەلەسٸن قايتا شىعاردى.
ساراپشىلار مۇنداي تراگەدييالاردىڭ الدىن الۋ ٷشٸن جانجالداردى ەرتە ساتىدا شەشۋ, وتباسىلىق داۋلارعا پسيحولوگييالىق جەنە ەلەۋمەتتٸك كٶمەك كٶرسەتۋدٸڭ ماڭىزىن اتاپ ٶتتٸ.
