Búgin Ózbekstan Respýblikasynda Qazaqstan meditsinasynyń kúnderi bastaldy. 21-22 qarasha aralyǵyndaǵy bul shara QR Densaýlyq saqtaý ministri Eljan Amantaiuly Birtanovtyń jáne Úkimet ókilderiniń, sondai-aq meditsinalyq uiymdardyń birinshi basshylarynyń qatysýymen ótedi, - dep habarlaidy A.N. Syzǵanov atyndaǵy Ulttyq ǵylymi hirýrgiia ortalyǵynyń baspasóz qyzmeti.
Bul is-sharanyń basty maqsaty — eki eldiń jetekshi meditsinalyq uiymdarynyń arasyndaǵy ózara is-qimyldy nyǵaitý, yntymaqtastyqty kúsheitý, tájiribe jáne bilim almasý.
Forýmǵa A.N. Syzǵanov atyndaǵy Ulttyq ǵylymi hirýrgiia ortalyǵynan basqarma tóraǵasy, professor Baimahanov Bolatbek Bimendeeuly qatysady. Atalmysh ortalyqtyń jetekshi mamandary sheberlik sabaqtaryn ótkizip, Ózbekstan azamattaryna tegin meditsinalyq keńes beretin bolady.
Forýmnyń aiasynda uiymdastyrylatyn meditsinalyq kórmede Qazaqstannyń densaýlyq saqtaý salasyndaǵy reformalary men meditsinadaǵy jańa tehnologiialary tanystyrylady.
