Ózbekstannyń ministrler kabineti ókilettiligin toqtatý týraly úndeýin jańadan sailanǵan Ólii Májilisine joldady, dep habarlady "Ult aqparat".
Úndeýge premer-ministr Abdýlla Aripov qol qoidy. Búgin osy qujatty aldymen zań shyǵarýshy palatanyń aldynda, odan keiin senattyń aldynda oqyp berdi. Eki palata da úkimettiń otstavkasyn qabyldady.
Úkimet basshysynyń kandidatýrasy búgin, 21 qańtarda eki palatanyń birlesken otyrysynda qaralyp, bekitiletin bolady.
Aita keteiik, buǵan deiin joǵary palata músheleri Ólii Májilisini Senatynyń tóraǵasy qyzmetine Tanzila Narbaevany sailaǵan bolatyn. Osyǵan orai, keshe el prezidenti Shavkata Mirziioevtiń qatysýymen otyrys ótken.
Otyrystyń qorytyndysy boiynsha halyqaralyq qatynastar, syrtqy ekonomikalyq bailanystar, sheteldik investitsiialar men týrizm, biýdjet jáne ekonomikalyq reformalar syndy máseleler jónindegi birneshe komitet quryldy.
Budan bólek, etika máseleleri boiynsha arnaiy komissiia jumys isteitin bolady.
