Ózbekstan Prezidenti Shavkat Mirziioev Ortalyq Aziia elderi basshylarynyń jumys (konsýltativtik) kezdesýine qatysý úshin Astanaǵa keldi, dep habarlaidy QazAqparat.
Mártebeli meimandy elorda áýejaiynan QR Premer-Ministriniń birinshi orynbasary Asqar Mamin kútip aldy.
Aita keteiik, búgin elordada Ortalyq Aziia elderi, sonyń ishinde Qazaqstan Respýblikasy, Qyrǵyz Respýblikasy, Tájikstan Respýblikasy, Túrikmenstan jáne Ózbekstan Respýblikasy basshylarynyń jumys (konsýltativtik) kezdesýi ótedi. Túrikmenstanda joǵary deńgeidegi is-sharalardyń aldyn ala josparlanýyna bailanysty bul elden atalǵan jiynǵa Medjlis tóraiymy A.T.Nýrberdyeva hanym qatysady.
Sonymen qatar búgin N.Nazarbaev pen Sh.Mirziioevtiń qatysýymen Qazaqstandaǵy Ózbekstan jylynyń saltanatty ashylý rásimi ótedi. Sondai-aq, eki el kóshbasshylary óner qairatkerleriniń gala-kontsertine qatysady.
