Ózbekstan premer-ministri Abdýlla Aripov ministrlikter men mekemelerdiń barlyǵyna latyn qarpine negizdelgen ózbek álipbiine ótýdi tezdetýin tapsyrdy, dep habarlaidy Azattyq.
Bunyń aldynda, biyl 10 aqpanda úkimet latyn qarpine birtindep ótýdi kózdeitin "jol kartasyn" bekitken. Qujatqa sáikes, eldi mekender men kóshe ataýlary, terminder, uiym attary, jarnamalar, habarlamalar, buqaralyq aqparat quraldaryndaǵy nasihat 2022 jyldyń jeltoqsanyna deiin latyn qarpine negizdelgen ózbek álipbiine kóshýi kerek.
Úkimet basshysy kózdegen mejege biyl Ózbekstan táýelsizdiginiń 30 jyldyǵyna deiin jetýdi tapsyryp otyr.
2017 jyly Qazaqstan Úkimeti 2025 jylǵa deiin latyn alfavitine kóshýdi josparlaǵan. Osyǵan uqsas talpynystar Qyrǵyzstanda da baiqalǵan. Ortalyq Aziiada latyn álipbiine kóshý sovet murasy men Resei yqpalyn azaitý talpynystarymen bailanysty. Kóptegen respýblikalarda basqa jazý bolǵan, biraq sovet biligi tusynda olardyń jazýy kirillitsaǵa aýystyryldy.
