ٶزبەكستان پرەمەر-مينيسترٸ ابدۋللا اريپوۆ مينيسترلٸكتەر مەن مەكەمەلەردٸڭ بارلىعىنا لاتىن قارپٸنە نەگٸزدەلگەن ٶزبەك ەلٸپبيٸنە ٶتۋدٸ تەزدەتۋٸن تاپسىردى, دەپ حابارلايدى ازاتتىق.
بۇنىڭ الدىندا, بيىل 10 اقپاندا ٷكٸمەت لاتىن قارپٸنە بٸرتٸندەپ ٶتۋدٸ كٶزدەيتٸن "جول كارتاسىن" بەكٸتكەن. قۇجاتقا سەيكەس, ەلدٸ مەكەندەر مەن كٶشە اتاۋلارى, تەرميندەر, ۇيىم اتتارى, جارنامالار, حابارلامالار, بۇقارالىق اقپارات قۇرالدارىنداعى ناسيحات 2022 جىلدىڭ جەلتوقسانىنا دەيٸن لاتىن قارپٸنە نەگٸزدەلگەن ٶزبەك ەلٸپبيٸنە كٶشۋٸ كەرەك.
ٷكٸمەت باسشىسى كٶزدەگەن مەجەگە بيىل ٶزبەكستان تەۋەلسٸزدٸگٸنٸڭ 30 جىلدىعىنا دەيٸن جەتۋدٸ تاپسىرىپ وتىر.
2017 جىلى قازاقستان ٷكٸمەتٸ 2025 جىلعا دەيٸن لاتىن الفاۆيتٸنە كٶشۋدٸ جوسپارلاعان. وسىعان ۇقساس تالپىنىستار قىرعىزستاندا دا بايقالعان. ورتالىق ازييادا لاتىن ەلٸپبيٸنە كٶشۋ سوۆەت مۇراسى مەن رەسەي ىقپالىن ازايتۋ تالپىنىستارىمەن بايلانىستى. كٶپتەگەن رەسپۋبليكالاردا باسقا جازۋ بولعان, بٸراق سوۆەت بيلٸگٸ تۇسىندا ولاردىڭ جازۋى كيريلليتساعا اۋىستىرىلدى.
