Ózbekstan biligi 52 adamnyń qaitys bolý sebebine bailanysty ázirlengen qaýlyny jariialady, dep habarlaidy Baq.kz aqparat agenttigi RIA Novosti saityna silteme jasap.
«Avtobýstyń órtenýine basty sebep – onyń tehnikalyq aqaýlary. Dálirek aitsaq, ishinde jylýdyń joqtyǵy, tez tutanatyn zattardyń kóptigi, órtke qarsy quraldardyń qoldanylmaýy, salmaqty kótere almaýy, salonnan shyǵar joldyń júkpen bógelýi, qarapaiym qaýipsizdikke bailanysty profilaktikalyq sharalardyń bolmaýy», - dep jazylǵan qaýlyda.
Atalǵan qaýlyny Ózbekstan azamattarynyń transport kómegimen shetelge shyǵý qaýipsizdigin qamtamasyz etetin respýblikalyq komissiia ázirledi. Ony memlekettiń birinshi vitse-premeri Achilbai Ramatov basqardy. 2018 jyldyń 1 aqpanynan bastap shekaradan shyǵatyn avtobýstar men mikroavtobýstar jaqsylap tekseriletin boldy.
Esterińizge sala ketsek, tótenshe jaǵdai 18 qańtar kúni Qalybai aýylynan 10 km jáne oblys ortalyǵynan 320 km qashyqtyqta Samara-Shymkent trassasynda Astana ýaqytymen saǵat 10.30-da boldy. 57 azamat otyrǵan «Ikarýs» markaly jolaýshylar avtobýsy órtendi. Aqtóbe oblysynyń TJD baspasóz qyzmetiniń málimetine sáikes, janyp jatqan avtobýstan 5 adam shyǵyp úlgeripti, 52 adam qaitys bolǵan.
Budan keiin Aqtóbede órtengen avtobýstyń videosy shyqty.
Sonymen qatar, avtobýstaǵy órtten zardap shekkenderdiń aty-jóni belgili boldy, qazir olardy Aqtóbege alyp bara jatyr. Olardyń arasynda úsh júrgizýshi, Qazaqstan azamattary – 1985 jyly týǵan Maqsat Pernebek, 1968 jyly týǵan Nurjan Qyrǵyzbaev, 1978 jyly týǵan Barat Tańatarov. Barlyǵy Ońtústik Qazaqstan oblysynyń turǵyny. Qalǵan ekeýi Ózbekstan azamaty – 1988 jyly týǵan Ahror Isakov jáne 1980 Isroildjan Myrzahmetov.
Ózbekstan Tótenshe jaǵdailar ministrligi Qazaqstanda bolǵan oqys oqiǵa ornyna dárigerler, SIM jáne ministrlik qyzmetkerlerin jiberý úshin ushaq jiberetinin habarlaǵan.
