Túrkistanda memleket jáne qoǵam qairatkeri, etnograf-ǵalym Ózbekáli Jánibekovtiń týǵanyna 95 jyl tolýyna orai birqatar mádeni is-shara ótti, dep habarlaidy ult.kz.
Mereitoiǵa orai qatysýshylarǵa Mádeniet jáne aqparat ministri Arman Qyryqbaevtyń quttyqtaý haty joldandy. Onda Ózbekáli Jánibekovtiń ulttyq mádenietti jańǵyrtýǵa, tarihi sanany qalyptastyrýǵa, ana tili men salt-dástúrdi dáripteýge qosqan úlesi atap ótildi.
Qairatkerdiń Qoja Ahmet Iasaýi kesenesin qalpyna keltirý, Naýryz merekesin qaita jańǵyrtý, mýzeiler men teatrlardy damytý, folklorlyq-etnografiialyq ujymdardyń jumysyn jandandyrý baǵytyndaǵy eńbegine de erekshe mán berildi.
Mereitoi aiasynda «Áziret Sultan» ulttyq tarihi-mádeni mýzei-qoryǵynda arnaiy kórme uiymdastyryldy. Kórmege 1970-1990 jyldar aralyǵyndaǵy arhiv qujattary, fotosýretter men mádeni muraǵa qatysty materialdar qoiyldy.
Ekspozitsiiada Jánibekovtiń Qoja Ahmet Iasaýi kesenesinde mýzei isin qalyptastyrýǵa, ulttyq mádeni murany saqtap, ony kópshilikke tanytýǵa sińirgen eńbegi kórsetildi.
Is-shara barysynda qairatkerdiń memlekettik jáne qoǵamdyq qyzmeti, ulttyq mádenietti damytý jáne tarihi-mádeni murany saqtaý jolyndaǵy eńbegi talqylandy. Jiynda Túrkistan qalasynyń ákimi Ázimbek Pazylbekuly, Ózbekáli Jánibekovtiń uly Baýyrjan Jánibekov, professor Qulbek Ergóbek jáne tarih ǵylymdarynyń doktory, professor Hazretáli Tursyn baiandama jasady.
Mereitoilyq baǵdarlama Túrkistan mýzykalyq drama teatrynda qoiylǵan «Arqalyqtyń aq tańy» spektaklimen qorytyndylandy.
