Qorǵanys ministrligi Aqtaý qalasyndaǵy áskeri bólimderdiń birinde merzimdi qyzmetin atqaryp júrgen sarbazdyń psihikasynyń buzylýy jaily áleýmettik jelide taraǵan aqparatqa qatysty túsinikteme berdi, dep habarlaidy "Ult aqparat" vedomstvonyń baspasóz qyzmetine silteme jasap.
"18 mamyrda saǵat 12:00 shamasynda bólimshe basshylyǵy 25744 áskeri bóliminiń merzimdi áskeri qyzmetshisi qatardaǵy A. óz-ózimen sóilesip, ainalasynda bolyp jatqan oqiǵalarǵa túsiniksiz reaktsiia kórsetkenin baiqap, sarbazdyń ata-anasyna osy jait týraly habarlaǵan.
Sarbazdy meditsinalyq tekserý úshin oblystyq aýrýhanaǵa jetkizdi. Tekserý nátijeleri boiynsha (MRT, midyń KT jáne mamannyń keńesi) dene jaraqattary men qaýipti jait anyqtalǵan joq. 19 mamyrda qaita tekserý josparlandy", - delingen habarlamada.
Vedomstvo málimetinshe, áskerge shaqyrylǵan azamatty meditsinalyq komissiiadan ótkizý jáne odan ári áskeri qyzmetke shaqyrý úshin aýdandyq qorǵanys isteri bólimine májbúrli túrde jetkizgeni týraly aqparat shyndyqqa janaspaidy.
"2022 jylǵy 4 mamyrda áskerge shaqyrylǵan A-ǵa belgilengen tártippen shaqyrý qaǵazy berildi. 11 mamyrda ol shaqyrý pýnktine keldi. Sol jerde oǵan jáne onyń týysqandaryna azamattyń basqa garnizonǵa barmai-aq, Aqtaý qalasynda qyzmet ótkeretini aityldy.
Budan keiin áskerge shaqyrylýshy retinde A. Qarýly kúshterdiń qatarynda qyzmet etýge ótinish bildirdi. Meditsinalyq tekserýden ótkende densaýlyǵyna eshqandai shaǵym jasaǵan joq", - dep atap ótti ministrlik.
