قورعانىس مينيسترلٸگٸ اقتاۋ قالاسىنداعى ەسكەري بٶلٸمدەردٸڭ بٸرٸندە مەرزٸمدٸ قىزمەتٸن اتقارىپ جٷرگەن ساربازدىڭ پسيحيكاسىنىڭ بۇزىلۋى جايلى ەلەۋمەتتٸك جەلٸدە تاراعان اقپاراتقا قاتىستى تٷسٸنٸكتەمە بەردٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"18 مامىردا ساعات 12:00 شاماسىندا بٶلٸمشە باسشىلىعى 25744 ەسكەري بٶلٸمٸنٸڭ مەرزٸمدٸ ەسكەري قىزمەتشٸسٸ قاتارداعى ا. ٶز-ٶزٸمەن سٶيلەسٸپ, اينالاسىندا بولىپ جاتقان وقيعالارعا تٷسٸنٸكسٸز رەاكتسييا كٶرسەتكەنٸن بايقاپ, ساربازدىڭ اتا-اناسىنا وسى جايت تۋرالى حابارلاعان.
ساربازدى مەديتسينالىق تەكسەرۋ ٷشٸن وبلىستىق اۋرۋحاناعا جەتكٸزدٸ. تەكسەرۋ نەتيجەلەرٸ بويىنشا (مرت, ميدىڭ كت جەنە ماماننىڭ كەڭەسٸ) دەنە جاراقاتتارى مەن قاۋٸپتٸ جايت انىقتالعان جوق. 19 مامىردا قايتا تەكسەرۋ جوسپارلاندى", - دەلٸنگەن حابارلامادا.
ۆەدومستۆو مەلٸمەتٸنشە, ەسكەرگە شاقىرىلعان ازاماتتى مەديتسينالىق كوميسسييادان ٶتكٸزۋ جەنە ودان ەرٸ ەسكەري قىزمەتكە شاقىرۋ ٷشٸن اۋداندىق قورعانىس ٸستەرٸ بٶلٸمٸنە مەجبٷرلٸ تٷردە جەتكٸزگەنٸ تۋرالى اقپارات شىندىققا جاناسپايدى.
"2022 جىلعى 4 مامىردا ەسكەرگە شاقىرىلعان ا-عا بەلگٸلەنگەن تەرتٸپپەن شاقىرۋ قاعازى بەرٸلدٸ. 11 مامىردا ول شاقىرۋ پۋنكتٸنە كەلدٸ. سول جەردە وعان جەنە ونىڭ تۋىسقاندارىنا ازاماتتىڭ باسقا گارنيزونعا بارماي-اق, اقتاۋ قالاسىندا قىزمەت ٶتكەرەتٸنٸ ايتىلدى.
بۇدان كەيٸن ەسكەرگە شاقىرىلۋشى رەتٸندە ا. قارۋلى كٷشتەردٸڭ قاتارىندا قىزمەت ەتۋگە ٶتٸنٸش بٸلدٸردٸ. مەديتسينالىق تەكسەرۋدەن ٶتكەندە دەنساۋلىعىنا ەشقانداي شاعىم جاساعان جوق", - دەپ اتاپ ٶتتٸ مينيسترلٸك.
