Aqtóbede týǵan qyzyn zorlady dep kúdikke iligip, uzaq ýaqyt izdeýde júrgen áke ustalyp, sottaldy, dep habarlaidy "Ult aqparat".
Oǵan 2019 jyldyń 27 aqpany kúni Aqtóbe qalasyndaǵy Qarǵaly aýyly, Beibitshilik kóshesindegi páterinde kámelet jasqa tolmaǵan qyzyn zorlady degen aiyp taǵyldy.
«Aqtóbe oblysy boiynsha qylmystyq ister jónindegi mamandandyrylǵan aýdanaralyq sotynyń 2020 jyldyń 6 aqpanyndaǵy úkimimen E.Ahmetov QR QK-niń 124-babynyń 3-bóligi, 120-babynyń 4-bóligi boiynsha kináli dep tanylyp, oǵan qylmystyq quqyqbuzýshylyqtar jiyntyǵymen túpkilikti óteýge 19 jyl bas bostandyǵynan aiyrý jazasy taǵaiyndaldy. Jazany óteý orny qylmystyq-atqarý júiesiniń qaýipsizdigi barynsha joǵary mekemesinde óteý belgilendi.
Jábirlenýshiniń zańdy ókiliniń moraldyq zalaldy óteý týraly azamattyq talaby tolyq kólemde qanaǵattandyrylyp, sottalǵannan 5 000 000 teńge óndirildi.
Atalǵan qylmystyq is alqabilerdiń qatysýymen qaraldy. Úkim zańdy kúshine engen joq», - dep habarlady Aqtóbe oblystyq sotynyń baspasóz qyzmeti.
Eske salsaq, Aqtóbe oblystyq politsiia departamenti ótken jyly asa aýyr qylmys jasady degen kúdikke ilikken Ermek Ahmetovke halyqaralyq izdeý jariialady.
