اقتٶبەدە تۋعان قىزىن زورلادى دەپ كٷدٸككە ٸلٸگٸپ, ۇزاق ۋاقىت ٸزدەۋدە جٷرگەن ەكە ۇستالىپ, سوتتالدى, دەپ حابارلايدى "ۇلت اقپارات".
وعان 2019 جىلدىڭ 27 اقپانى كٷنٸ اقتٶبە قالاسىنداعى قارعالى اۋىلى, بەيبٸتشٸلٸك كٶشەسٸندەگٸ پەتەرٸندە كەمەلەت جاسقا تولماعان قىزىن زورلادى دەگەن ايىپ تاعىلدى.
«اقتٶبە وبلىسى بويىنشا قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ 2020 جىلدىڭ 6 اقپانىنداعى ٷكٸمٸمەن ە.احمەتوۆ قر قك-نٸڭ 124-بابىنىڭ 3-بٶلٸگٸ, 120-بابىنىڭ 4-بٶلٸگٸ بويىنشا كٸنەلٸ دەپ تانىلىپ, وعان قىلمىستىق قۇقىقبۇزۋشىلىقتار جيىنتىعىمەن تٷپكٸلٸكتٸ ٶتەۋگە 19 جىل باس بوستاندىعىنان ايىرۋ جازاسى تاعايىندالدى. جازانى ٶتەۋ ورنى قىلمىستىق-اتقارۋ جٷيەسٸنٸڭ قاۋٸپسٸزدٸگٸ بارىنشا جوعارى مەكەمەسٸندە ٶتەۋ بەلگٸلەندٸ.
جەبٸرلەنۋشٸنٸڭ زاڭدى ٶكٸلٸنٸڭ مورالدىق زالالدى ٶتەۋ تۋرالى ازاماتتىق تالابى تولىق كٶلەمدە قاناعاتتاندىرىلىپ, سوتتالعاننان 5 000 000 تەڭگە ٶندٸرٸلدٸ.
اتالعان قىلمىستىق ٸس القابيلەردٸڭ قاتىسۋىمەن قارالدى. ٷكٸم زاڭدى كٷشٸنە ەنگەن جوق», - دەپ حابارلادى اقتٶبە وبلىستىق سوتىنىڭ باسپاسٶز قىزمەتٸ.
ەسكە سالساق, اقتٶبە وبلىستىق پوليتسييا دەپارتامەنتٸ ٶتكەن جىلى اسا اۋىر قىلمىس جاسادى دەگەن كٷدٸككە ٸلٸككەن ەرمەك احمەتوۆكە حالىقارالىق ٸزدەۋ جارييالادى.
