Aqparat jáne qoǵamdyq damý ministri Dáýren Abaev «Habar» arnasyndaǵy «Ashyq dialog» baǵdarlamasynda Qazaqstannyń Aýǵanstanǵa ne úshin kómektesetinin túsindirdi, dep habarlaidy QazAqparat.
«Aýǵanstanǵa jalǵyz Qazaqstan ǵana kómektespeidi. Bul eldiń máselesine búkil álemdik qaýymdastyq alańdap otyr. Óitkeni, bul elge qalypty ómir qaitarylmasa, barlyq elde ekstremizm, esirtki tasymaly, radikalizm qaýpi týyndaýy múmkin», - dedi ol.
Onyń aitýynsha, turaqsyzdyq jailaǵan Aýǵanstanmen kórshilikti bei-jai qaldyrýǵa bolmaidy.
«Alystaǵy Argentina Kabýldaǵy jaǵdaiǵa bas aýyrtpai otyra alady, al bizdiń elimiz ben Aýǵanstannyń arasy myń shaqyrym ǵana. Qazir Qazaqstan JOO-larynda aýǵan jastary bilim alyp júr. Olar otanyna oralyp, memlekettik apparatta, mektepter men aýrýhanalarda jumys isteidi. Árkim óz salasynda memleketti jaqsartýǵa tyrysady. Olar da terroristik uiymdardyń birine qosylyp ketýi múmkin edi ǵoi. Eger lańkester lagerinde daiyndyqtan ótken iritki salýshylar bizdiń shekaramyzǵa jaqyndasa, milliondaǵan aqsha emes, azamattarymyzdyń ómiri qiylady. Osyǵan jol bermeýimiz kerek», - dedi Dáýren Abaev.
