اقپارات جەنە قوعامدىق دامۋ مينيسترٸ دەۋرەن اباەۆ «حابار» ارناسىنداعى «اشىق ديالوگ» باعدارلاماسىندا قازاقستاننىڭ اۋعانستانعا نە ٷشٸن كٶمەكتەسەتٸنٸن تٷسٸندٸردٸ, دەپ حابارلايدى قازاقپارات.
«اۋعانستانعا جالعىز قازاقستان عانا كٶمەكتەسپەيدٸ. بۇل ەلدٸڭ مەسەلەسٸنە بٷكٸل ەلەمدٸك قاۋىمداستىق الاڭداپ وتىر. ٶيتكەنٸ, بۇل ەلگە قالىپتى ٶمٸر قايتارىلماسا, بارلىق ەلدە ەكسترەميزم, ەسٸرتكٸ تاسىمالى, راديكاليزم قاۋپٸ تۋىنداۋى مٷمكٸن», - دەدٸ ول.
ونىڭ ايتۋىنشا, تۇراقسىزدىق جايلاعان اۋعانستانمەن كٶرشٸلٸكتٸ بەي-جاي قالدىرۋعا بولمايدى.
«الىستاعى ارگەنتينا كابۋلداعى جاعدايعا باس اۋىرتپاي وتىرا الادى, ال بٸزدٸڭ ەلٸمٸز بەن اۋعانستاننىڭ اراسى مىڭ شاقىرىم عانا. قازٸر قازاقستان جوو-لارىندا اۋعان جاستارى بٸلٸم الىپ جٷر. ولار وتانىنا ورالىپ, مەملەكەتتٸك اپپاراتتا, مەكتەپتەر مەن اۋرۋحانالاردا جۇمىس ٸستەيدٸ. ەركٸم ٶز سالاسىندا مەملەكەتتٸ جاقسارتۋعا تىرىسادى. ولار دا تەرروريستٸك ۇيىمداردىڭ بٸرٸنە قوسىلىپ كەتۋٸ مٷمكٸن ەدٸ عوي. ەگەر لاڭكەستەر لاگەرٸندە دايىندىقتان ٶتكەن ٸرٸتكٸ سالۋشىلار بٸزدٸڭ شەكارامىزعا جاقىنداسا, ميلليونداعان اقشا ەمەس, ازاماتتارىمىزدىڭ ٶمٸرٸ قيىلادى. وسىعان جول بەرمەۋٸمٸز كەرەك», - دەدٸ دەۋرەن اباەۆ.
